يللا نشجع بعض على الحفاظ على الورد اليومي من القرأن

السلام عليكم و رحمة الله و بركاته

رمضان خلص و المذاكرة زادت و أكيد قللينا في ناحية العبادة

فإيه رأيكم لو نشجع بعض على الحفاظ على ورد يومي من القرأن

لأنه بجد هو ملاذنا في الزمن اللي إحنا فيه و لازم نتمسك بيه.

الفكرة اللي باقترحها عليكم إن كل حد فينا يحدد ورد نعين من القرأن على قد قدرته و لو ربع واحد في اليوم , المهم إننا ما نسيبش القرأن أبدا,

و كل يوم ندخل على المنتدى و نقول قريناه و لا لأ.

طبعا ما نقولش أد إيه عشان تبقى بينك و بين ربنا

بالله عليكم ساعدوني في الموضوع ده لأني حاسة إني قليت أوي بعد رمضان مع إني شايفة إن مفيش حاجة تمنعني عن القرأن حتى لو بامتحن. study

والله فكره اكتر من رائعة

وإن شاء الله انا معاكم ونشجع بعض

(( وتعانوا على البر والتقوى ولا تعاونوا على الإثم والعدوان ))

بس انا مش عارف ممكن نبدا ازاي على العموم انا معاكم اان شاء الله

انا معاكم فكرة فى منتهى الروعه بس نبدا ازاى ؟؟

البداية إن كل حد فينا يحدد ورد معين من القران

يعني اللي شايف إنه يقدر يقراه كل يوم مثلا جزء أو حزب ......

و كل يوم ندخل نقول إننا قريناه و لا لأ

عشان لما حد فينا يقع و ما يقراش يوم, الباقيين ييعينوه إنه يرجع تاني و يقرأ

ده في حديث فيما معناه:

إن من يهجر القرأن يوم يهجره أسبوع.

و بعدين دى قرأة ربع واحد ما بياخدش أكتر من 5 دقايق.

و عشان نفهم الموضوع أكتر نبتدي من النهاردة نقرأ و بعدين بكرة إن شاء الله ندخل على المنتدى و نكتب قرأنا امبارح و لا لأ.

و لو لأ نذكر إيه السبب .

تمام كده الفكرة وضحت اكتر

انا بقترح كمان انه يضاف على اول مشاركة اسماء الاعضاء اللي مشتركين والجزء من القران اللي حيلتزموا بقرائته يوميا

وبالنسبة لي انا _______ (ربع حزب يوميا )

السلام عليكم ورحمة الله ,,
بارك الله فيكِ يا دكتورة إيمان ,, بجد فكرة كويسة جدا ,,
وان شاء الله نعين بعض كلنا ,,
ويلا نبدأ من النهاردة ,,
انا معاكم ان شاء الله

جزاكم الله خيرا على مرورك

وفكرة إننا نضع أسماء المشتركين دي فكرة كويسة

لكن موضوع إننا نحط كل واحد هيقرأ قد إيه, أنا شايفة إن الحاجة دي تبقى بيننا و بين ربنا أحسن لأن العبادة السرية ثوابها أكبر, لكن طبعا أي حد عايز يقول هيقرأ قد إيه يعني عشان يقدر يلتزم فكل واحد حسب رأيه و معرفته لنفسه إزاي هيربيها.

فعلا ,, انا اتفق معاكى يا دكتورة إيمان ,,

واذكر نفسى وإياكم بإن أفضل الاعمال اللى الله ليس أكثرها وولكنه (أدومها ) وإن قل

يعنى مش المهم الكم المهم المحافظة عليه مهما كان قليل ,,

فاحنا ان شاء الله نحاول نداوم على اننا نقرأ كل يوم

ومش مهم الكم المهم اننا نقرأ حتى لو صفحة واحدة بس ,, هذا رأيى والله أعلم ,,

واذكر نفسى وإياكم أيضا بإخلاص النية لله ,,

ومتنسوش تعدد النية , بمعنى اننا نقول اننا حنقرأ كل يوم بهدف العبادة والتقرب الى الله

والحفاظ على الورد وعدم هجر القرآن والتفقه فى الدين ( من أراد الله به خير فقه فى الدين )

واللى يفتكر نوايا تانية يقولنا علشان كلنا نضع أمامنا نوايا كثير وان شاء الله ربنا يتقبل مننا ,و

المهم الاخلااااااااص ,,

وفقنا الله وإياكم الى ما يحبه ويرضاه ,,

انا معاكم من النهارده ان شاء الله و حبدا كل يوم ربع و حقرا التفسير بتاعه كمان

وأنا معاكم ( ان شاء الله ) سأقرأ على الأقل ربع يوميا

بسم الله توكلنا على الله

السلام عليكم ورحمة الله,,
متنسوش يا جماعة النهاردة عاوزين نقرأ ان شاءالله سورة الكهف علشان النهاردة الجمعة ,, وكل واحد يقول لصاحبه واخواته وكده ,,
والحمد لله تم قراءة ورد امبارح ,,
وان شاء الله نقرأ ورد اليوم ,,
وفقكم الله

ايه يا جماعة وفقتوا ليه ؟

محدش قرأ الورد ولا ايه؟؟

ياريت يا جماعة اللى يقرأ يقول علشان نشجع بعض ,,

وفقكم الله

الحمد لله قرأت ورد امبارح بس أول امبارح لأ .

هاه ايه الأخبار مين بدأ يقرأ ؟

و مين مكسل ؟ scratch

يللا عايزين نشد حيلنا

على فكرة قرأة ربع في اليوم = ختمة خلال 8 شهور

مرة قبل رمضان القادم عشان نقدر ندخل على رمضان بقلب جامد. Very Happy

يللا استعينوا بالله على مجاهدة النفس.

انا شغال الحمد لله و بكرة حخلص الجزء الاول ان شاء الله

تقدم كويس والله

ربنا يعنا جميعا

أنا بدأت النهارده ( الاثنين 19 نوفمبر )

ربع حزب

ما شاء الله ربنا يثبتنا جميعا

أهو ده الشغل. cheers

الحمد لله قرأت ورد امبارح

النهارده 20/11 الحمد لله خلصت الجزء الاول

ما شاء الله مبروك

وعقبال ما تختمك القرأن

أسأل الله ان يجعلك من أهل القرأن و خاصته

النهاردة أنا قرأت كمان ربع

» برنامج قصص القرأن للاستاذ عمرو خالد
» أقوى مواقع القرأن الكريم فى جوده الصوت على الاطلاق